Torsdag 1. desember klokka 18:00 inviterer lanserer vi Årbok for Sunnmøre.
Stad: Sunnmøre museum, Ålesund
Årbok for Sunnmøre 2022 inneheld stoff om hendingar som har forma sunnmørssamfunnet. Fleire av forfattarane vil vere til stades og halde korte innlegg om artiklane sine. Det vert musikalsk innslag ved Lars Viljo Fauske med vener, og høve til drøs og diskusjon.
Her er litt om det du kan gle deg til i den nye årboka:
Vi er med på jakta på ein skuldig etter kyrkjebrannen i Borgund, og vi besøker Nordre gravlund «bak fjellet» i Ålesund. På Brudavollen i Ørsta finn vi prov på at garden, som i dag er museum, har ei minst 400 år gammal historie. Vi skal også til 1960 – talet, då filetfabrikkane vart flytta til havs, om bord i nyskapingane fabrikktrålarane. Rundt førre århundreskifte vart det reist ungdomshus i nesten kvar ei bygd på Sunnmøre. Mange er vekke, men her er dei dokumentert.
Ein frontkjempar frå Geiranger fortel om sine dramatiske – og for svært mange – problematiske livsval.
Forfattarane i årets Årbok er Oddbjørn Hofseth, Arne Knutsen, Anders Roald, Leiv Grønnevet, Nils Seland og Oddbjørn Melle.
Under lanseringa sel vi bøker og medlemskap i Sunnmøre historielag
Gratis inngang. Vel møtt.
